Додека танцуваат сомнежите на прозорецот во спалната соба, слушам шумови далеку во позадината, нечии малечки ножиња прават бука.Никогаш не го осмислив филмот со малечки ножиња во позадина, бар, целиот свој живот се надевав на нивното непостоење.
Ништо никогаш не е доволно добро и совршено за да може да го задоволи гладот на оние пластични дами кои што се најубавата проекција на филмското платно.Иконите на кои што понекогаш сакаме да им се поклонуваме додека нечии шумови не уништуваат свесно и потсвесно.
Потполна, тивка ликвидација.
Јас ја немам таа можност, да слушам нечии чекори и малечки слатки шеги, суровата и рационална страна од мене ужива во комплетната ладнокрвност која што може да се сретне на патот кон достигнувањето.Ќе беше жалосно да бев во средните години и со два пропаднати брака зад мене, но хеј, сеуште сум премногу млада за да бидам само уште една „затегната“ девојка упс жена на асфалтот.
Огроченоста е првиот стадиум кон прифаќањето.
Само што ги убив моите малечки ножиња, или, веќе беа убиени?

Целиот мој живот се класифицирам себеси како жртва на хедонизмот, на комплетното предавање на задоволствата што живот значат.Мирисот на нечија кожа и малку повеќе арган за да се пополнат празнините на просторот и времето.
Илузија.
Стоп!
Не е дека не сум верувала во љубовта, неколку пати бев цврсто уверена дека ја чувствувам под совршено излакираните нокти и трепките тешки од многу маскара, бев убедена, да, тоа е вистинскиот избор на зборови.
Многу повеќе ме љубеа ... многу помалку, љубев.
Неспособна да се откажам од сите малечки тајни, невозможно да ги предадам сите слатки љубовници кои што ги поматуваат сетилата за да се одигра уште една партија шах.
Адреналин, возбуда, живот.
И тогаш се појави некој ист како мене, каква омраза беше тоа, ист, комплетно поклопување на маните и потребите, желбата за изневерување со таа, идентична сила, курва за емоции и тела, дури и шармантен како мене.
Како да не го убијам, да не го уништам секој призрак на некој што може да ме засени и да ми го смени текот на пазарот.
Штета!
Од сите наводни прекрасни љубови во мојот живот, клучот на онаа што ја убивав секоја вечер пред спиење, онаа што се грижи, што љуби и разбира ... ја разбуди токму тој што никогаш не требаше да ја види.
Илузија.
Стоп!

Завршив со трагичните приказни.
Make things right little girl … make things right.
Now you finally can.